Та книгаез удмурт лыдӟисьёс ог кӧня ке дасо аръёс ӵоже возьмазы. Ӟуч кылын удмурт выжыкылъёс уно пол потазы пӧртэм изданиосын, нош удмурт кылынэз палэнэгес кыльылӥз. Юрий Кузнецов но Сергей Матвеев люказы но поттыны дасязы «Куке но соку» удмурт выжыкылъёсын кема возьмам книгаез. Отчы выжыкылъёс сяна, пыризы мадёсъёс но дауркылъёс. Тросэз соос адямилэсь пӧртэм урод сямъёссэ серекъяло. Улонын кылдэм югдуръёс пыр ӟеч сямъёслы дышето. Пӧйшуръёс но пудо-животъёс сярысь выжыкылъёсын гинэ но мур визь-нод пыртэмын. Та бичетын ик люкамын дунне кылдэмез валэктӥсь мадьверосъёс, удмурт батыръёс сярысь асьме дорозь вуэм дауркылъёс.