487295596 - общие вопросы

ГУП УР «Книжное издательство «Удмуртия» ведет свою историю с сентября 1919 года. За 100 лет издано

свыше 9000 названий книг, учебников, брошюр общим тиражом более 90 млн. экземпляров.

Пресса об издательстве * Эн мыкыртэ йырдэс, юлтошъёсы!

Источник: Газета "Удмурт Дунне" №49-50 (24590-24591) 9.04.2010 г. г.

Эн мыкыртэ йырдэс, юлтошъёсы!

Выль нунал вордüське но

Мар меда мыным вае?

Оло шуд но шумпотон,

Оло нош ик куректон?

Чик öвöл эшъёсы но,

Туганэ но кыдёкын.

Та мöзмись но сюлэмме

Буйгатом меда кытын?

Уг но шунты шунды но,

Уг но пишты тыр толэзь.

Куректон, кайгу гинэ шат

Шедьтüсько та улонлэсь?

Удмуртиысь культура удысысь дано ужасьлэн, кылбурчилэн но композиторлэн Николай Постниковлэн та чуръёсыз гожтэмын ни вал. Но гур соослы со малпаз кылем ар пумын, шугмемезлэсь куинь час азьвыл. Алнаш ёрос культура юртын ужан висказ вазиськиз юлтошезлы, егит композиторлы Александр Малковлы: выль кырзан, пе, малпай ай. Постников выль «пыжоссэ» баянэныз шудыса вуттэмезлэсь азьвыл, нокин курытэк, Саша телефонысьтыз камеразэ зüбиз. Мае ке шöдыса, кожалод. Малков туннэ ке но кылзэ на телефонысьтыз син азяз кылдэм гурез. Баянзэ киысьтыз лэземез бере уго Николай Елисеевич синъёссэ öз усья ни, шуыны луоз - больницае усиз. 1-тü январе со весяклы кошкиз асьме пöлысь.

Та дано адями сюлмаськыса ик кылиз ас юбилейзэ Зеч радъян пумысен. 25-тü январе солы тырмыны кулэ вал 50 арес. Котырес лыдпусэз синмаськымон ортчытон сярысь кенешем вылэм татысь ик ёрос культура юртысь методистэн Светлана Плотниковаен. Зучо-удмурто концерт адземез потэ вылэм Николай Постниковлэн.

Юбилей ужрад пöрмиз ик. Жаляса верано, луиз со буре ваён жыт. Нырысь ортчытüзы сое Алнашын февраль толэзь пумын. Табере тани, 6-тü апреле, Удмурт театрын возьматüзы Ижысь калыклы но. Та ужрадэз дасян-радъян бордын вань быгатонлыксэс поныса тыршизы Алнаш ёрос культура юртын ужасьёс. Палэнэ öз кыльы район администрация но. Огкылысь сюлмаськизы, дано муртэ, эшсэс буре ваён жыт калыклэн сюлмаз мед пыроз шуыса.

Жытэз радъян бордын тужгес трос лэсьтüз, сое ачиз туж быгатыса нуиз Светлана Плотникова. Вераны кулэ: та ужрад Зеч пöрмиз егитъёсын ужанъя министрлэн Владимир Соловьёвлэн тыршеменыз но. Зечлыкез понна сюлмаськиз Удмурт театрлэн директорез Андрей Ураськин. Зал тыр калыкез люканы юрттüз алнаш землячество но «Удмурт кенеш» огазеяськонлэн Ижысь ёзэз. Алнаш калык но ёрос администрация собыдза уж берыктэмзы понна бадзым тау каро соослы. Паймымон Жыт кыстüськиз уго куинь час котыр. Соку но быдэс зал тыр люкаськем калык öз дырты доръёсаз кошкыны. Ялан мае ке эшшо возьмаз.

Куинь час чоже учкисьёс йыразы тэрытыны йöндыризы: Николай Постников, сцена вылэ потыса, ачиз уз кырза. Зэм, Николай Елисеевич ачиз но пальышаз, калык шоры яратüсь синъёсын учкиз. Инмысен гинэ öвöл - дасям киносюжет пыр. Алнашъёс кельтüллям вылэм асьсэ архивазы Постниковен герзаськем учыръёсты, солэсь мадемъёссэ. Чапак соосты ик огазеязы киное.

Нялтас вераса, Николай Елисеевич мылкыд каре вылэм ачиз сярысь кино гожтыны. Улэп дыръяз та малпанэз быдэсмыса öзгес вуы.
Лулзылэмысь öз дугдэ учкисьёс, дано композиторлэсь кырзанъёссэ кылзыкузы но. Ваньзэ сямен быдэстüзы соосты алнашъёс: «Кырзась сюлэмъёс», «Вуюись», «Натü» но «Алнаш мылкыд» ансамбльёсы пырисьёс. Сюлэм уката вöсь луиз сцена вылэ Владимир Соловьёв потэм бере. Чапак солы Николай Постников кисьтылüз кайгуоссэ но шумпотонъёссэ, чапак соин чош концертъёсын ас дыраз паймытъяз Удмурт шаерын улüсьёсты. Ма, аслыз но Владимир Михайловичлы капчи öз йöты калык азе потыны. Сотэка куректыса ик шуиз: куинь кузя кырЗаськомы вал, табере воксё огнам кыли ни. Пöлазы кырзась, духовой оркестрез валтüсь Николай Уткин но куке-соку вал на уго. Тазэ но, шудтэм учыре шедем муртэ, Владимир Соловьёв ватüз ни. Чапак та кык бадзым кайгуэз ньылыны вырыса, одüг гинэ кырзан быдэстüз со:

«Эх, мынам шаян йыры!»

Одüг-ог гинэ ке шат кöсаллязы учкисьёслэн синъёссы. Мылкыдзэс капчиятыны выризы дано кырЗасьёсмы: В. Пудова, М. Ворончихин, А. Плотникова, С. Смагина, Г. Ганьков но мукетъёсыз. Паймытüзы на Уваысь «Купанча» ансамбльысь усточиос. Таос быдэстüзы Пантелей Кузнецов композиторлэсь Постниковлы сüзем кык кырзанзэ.

Висись сюлэммес буйганы куриз кадь ачиз Николай Елисеевич. Кылбурчилэн Михаил Федотовлэн кылъёсызъя гожтэм гуреныз сазьтüськыны куриз, кожалод. Отысь чуръёсты кырзаз «Алнаш мылкыд» ансамбль:

Эн мыкыртэ йырдэс, юлтошъёсы,

Та улонысь мон кошкисько шуса.

Мон кылисько пöртэм интыосын,

Мон сюлэмме кельто на кузьмаса…

* * *

Николай Елисеевичлэн улэп дыръяз кылиз эшшо одüг бадзым сюлмаськонэз. Кырзанъёсыныз, нотаосын но кылбуръёсыныз бадЗым книга поттымон материал люказ. Юбилеяз кылзüсьёссэ шумпоттыны малпаз. Жаляса верано, «Малпасько тонэ» нимо бичет югыт дуннеез адЗиз авторез кулэм бере. Сое вуттыны сюлмаськиз «Удмуртия» издательстволэн директорез Юрий Кузнецов. Зуч-зуч кие кутымон книгаез поттон понна бызьылüзы алнашъёс но. Спонсор юрттэт чот люканы быгатüзы 100 сюрс манетлэсь трос. Коньдон потüз на буре ваён жытъёсы вузам билетъёсысь но. Люкам уксё, книга дунэз берыктыса, кылиз ке, алнашъёс кутыны медо сое Николай Елисеевичлэн шайгу вылаз чебер памятник лэсьтыны..

Елена Сараматова

В НАШЕМ КАТАЛОГЕ:

• Малпасько тонэ: Кырзанъёс = А мне бы увидеть тебя: Песни | Тематика произведений композитора Н. Е. Постникова разнообразна...

Ссылка на оригинал статьи

Скачать удмуртские шрифты:

(рекомендуется) Times New Roman Udm (остальные) Arial Udm, Courier Udm, Verdana Udm, Поиск, За